Իրանում կորոնավիրուսով վարակվածների թիվն անցել է 100 հազարից

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Իրանում մայիսի 6-ի վիճակագրական տվյալների համաձայն, նախորդ օրվա համեմատ, կորոնավիրուսի վարակակիրների թիվն ավելացել է 1 680-ով՝ ընդհանուրը դառնալով 101 հազար 650: Վարակի հետևանքով մահացածների թիվն ավելացել է 78-ով՝ ընդհանուր թիվը դառնալով 6 հազար 418: «Արմենպրես»-ի հաղորդմամբ, Իրանում Հայաստանի դեսպանությունը տեղեկացնում է, որ ծանր վիճակում է գտնվում 2 հազար 735 անձ:

Վերջին տվյալների համաձայն, ապաքինվածների թիվն ավելացել է 1112-ով: Ընդհանուր առմամբ երկրում ապաքինվել է 81 հազար 587 մարդ:

Մինչ այժմ թեստավորվել է 531 հազար 275 անձ: