ԱԺ պատգամավորը հայտնեց Ադրբեջանի բանակում կորոնավիրուսի վարակի տարածման լուրերի մասին

2 րոպեի ընթերցում

ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ։ Ադրբեջանցիները սոցիալական կայքերում խոսում են երկրի բանակում կորոնավիրուսի վարակի տարածման մասին։ «Արմենպրես»-ի փոխանցմամբ` այս մասին ՀՀ ԱԺ արտաքին հարաբերությունների մշտական հանձնաժողովի կազմակերպած «COVID 19. տարածաշրջանային իրավիճակ. դիմակայում և հնարավոր զարգացումներ» թեմայով հեռավար խորհրդարանական քննարկման ընթացքում ասաց ԱԺ պատգամավոր, ադրբեջանագետ Տաթևիկ Հայրապետյանը։

«Ադրբեջանում այսօրվա դրությամբ պաշտոնապես նշվում է 1645 հաստատված դեպքի, 21 մահի և 1139 բուժվածի մասին։ Ադրբեջանական բանակում վարակի տարածման մասին լուրեր են պտտվում, որոնց մասին ես անձամբ տեղեկատվություն չունեմ։ Այդ մասին խոսվում է սոցիալական կայքերում»,- ասաց Հայրապետյանը։

Պատգամավորը նշեց, որ Ադրբեջանում ապրիլի 27-ից նախատեսվում է որոշակիորեն թուլացնել տնտեսության համար առկա սահմանափակումները։

«Ադրբեջանում 70-90 մլն դոլար են օրական ծախսում այս տնտեսական իրավիճակը հաղթահարելու համար։ Իրավիճակի վրա իր ազդեցությունն է ունեցել նաև նավթի գների տատանումը։ Բազմաթիվ խոշոր ընկերություններ են հայտնել փակվելու ու սնանկ լինելու մասին։ Տնտեսական առկա իրավիճակը հարկադրում է փոքր ինչ մեղմացնել կարանտինային ռեժիմն ու փորձել վերադառնալ բնականոն կյանքին»,- նշեց պատգամավորը։

Տաթևիկ Հայրապետյանը հայտնեց, որ Ադրբեջանում դժգոհություն կա իշխանությունների ու կառավարության կողմից սոցիալական աջակցության պատշաճ ծրագրեր չիրականացնելու պատճառով։

Նորայր Շողիկյան

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն