Իրանում մեկ օրում վարակվածների թիվն ավելացել է 2 հազար 715-ով

ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Իրանում ապրիլի 3-ի տվյալներով նախորդ օրվա համեմատ վարակակիրների թիվն ավելացել է 2 հազար 715-ով: «Արմենպրես»-ի հաղորդմամբ, այս մասին տեղեկացնում է Իրանում ՀՀ-ի դեսպանությունը:

Իրանում վարակվածների ընդհանուր թիվը 53 հազար 183 է: Մեկ օրում մահացածների թիվն ավելացել է 134-ով՝ ընդհանուր թիվը կազմելով 3 հազար 294:

Վերջին տվյալներով ապաքինվածների թիվն ավելացել է 1224-ով: Երկրում, ընդհանուր առմամբ,ապաքինվել է 17 հազար 935 մարդ: