Բելգիայի ֆուտբոլի առաջնությունը չի վերսկսվի. երկրի չեմպիոն կհռչակվի «Բրյուգե»-ն

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Բելգիայի ֆուտբոլի առաջնության չեմպիոն ժամանակից շուտ կհռչակվի «Բրյուգե»-ն:

«Արմենպրես»-ի հաղորդմամբ` այս մասին գրում է բելգիական մամուլը: Մինչ այս կայացել է առաջնության 29 տուր և մրցաշարային աղյուսակի առաջատարը «Բրյուգե»-ն է: Երկրորդ տեղում «Գենտ»-ն է: Այս երկու թիմերի միջև եղած միավորի տարբերությունը 15 միավոր է: Բելգիայի առաջնությունը ևս դադարեցվել էր կորոնավիրուսի պանդեմիայի պատճառով: