1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Գեղեցկության Եվրոպայի առաջնությանը, որը տեղի է ունեցել փետրվարի 23-24-ը Եկատերինբուրգում, Հայաստանից առաջին անգամ հավաքական թիմով հայկական դրոշի ներքո հանդես են եկել գեղեցկության ոլորտի լավագույն մասնագետները։
«Արմենպրես»-ի հաղորդմամբ` Հայաստանի պատվիրակությունն աչքի է ընկել բարձր պրոֆեսիոնալիզմով և գիտելիքների հմուտ կիրառմամբ: Մատնահարդարման, վարսահարդարման և բարբերների մրցույթում հայ վարպետները իրենց աշխատանքներով գրավել են բարձր հորիզոնականներ։
Մասնակցող հայկական խմբի մատնահարդարների թիմի ղեկավարը Ռաիսա Ռուբենին է եղել, վարսահարդարներինը՝ Ալինա Ղազարյանը, իսկ բարբերներինը՝ Հարություն Ջուլհակյանը։
Միջազգային CMC կազմակերպության ղեկավարը՝ Անտոնիո Բելանչոն, իսկ փոխնախագահը մեր հայրենակից Վաժա Մխիթարյանը։
Հայաստանում ևս գեղեցկության վարպետները առաջիկայում անմոռանալի օրեր են խոստանում. սեպտեմբերի 18-21-ին Երևանում կայանալու է առաջին համահայկական գեղեցկության փառատոնը։