368.54
Կանանց ֆուտբոլի թիմը կարող է համալրումներ ունենալ Լատինական Ամերիկայից
1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի կանանց հավաքականը, բացի այս կազմից, համալրումներ կունենա ԱՄՆ-ից Լատինական Ամերիկայից և Եվրոպայից:
«Արմենպրես»-ի հետ զրույցում այս մասին ասաց Հայաստանի ֆուտբոլի ֆեդերացիայի կանանց ֆուտբոլի բաժնի ղեկավար Աննա Թադևոսյանը: «Սա առաջին անգամն է, որ հավաք ենք անցկացնում և ընկերական խաղեր ենք ունենալու: Չեմ ասի, թե թիմն ամբողջապես կազմավորված է, բայց սա առաջին քայլն է, որ անում ենք: Շատ լավ թիմ ունենք, լավ տրամադրվածությամբ սպասում ենք առաջիկա խաղերին: Մարզումները լավ են անցնում»,-ասաց նա:
Թադևոսյանի խոսքով` թեպետ աղջիկներն իրար նոր-նոր են ճանաչում, սակայն հասկանում են միմյանց, և համագործակցությունը ստացվում է: «Այս տարի պլանավորվել ենք ևս մի քանի հավաք անցկացնել ամռանը և աշնանը: Բացի այս կազմից՝ թիմին նոր համալրումներ են սպասվում ԱՄՆ-ից, Լատինական Ամերիկայից և Եվրոպայից»,-շեշտեց նա:
Ընթացիկ տարում հավաքականը ոչ մի պաշտոնական հանդիպում չի անցկացնի, միայն 2021 թվականի օգոստոսից կսկսիկ պայքարը աշխարհի առաջնության որակավորման փուլում:
Բաժանորդագրվեք մեր ալիքին Telegram-ում