1 րոպեի ընթերցում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Երևանի «Ալաշկերտ» ֆուտբոլային ակումբի ավագ մարզիչ Արամ Ոսկանյանը գլխավորել է ղազախական «Ատիրաուն»:
«Արմենպրես»-ի հաղորդմամբ` Ոսկանյանն արդեն իսկ ներկայացվել է ակումբի ֆուտբոլիստներին, որոնք այս շրջանում ուսումնամարզական հավաք են անցկացնում Թուրքիայում: Ոսկանյանին Ղազախստանում կօգնի Մանուկ Սարգսյանը:
Արամ Ոսկանյանը մարզչական կարիերայի ընթացքում աշխատել է «Միկայում», «Բանանցում», Հայաստանի մինչև 19 տարեկանների հավաքականում, «Ալաշկերտում»:
«Ատիրաուն» մրցաշարային աղյուսակում 11-րդն է 12 թիմերի մեջ: