«Նոա»-ն ընկերական խաղում հաղթել է «Կայսար»-ին 

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Երևանի «Նոա» ֆուտբոլային ակումբը ընկերական խաղում հաղթել է ղազախական թիմին:

«Արմենպրես»-ի հաղորդմամբ` Անթալիայում ուսումնամարզական հավաք անցկացնող «Նոա»-ն ընկերական խաղում մրցել և 4:1 հաշվով առավելության է հասել ղազախական «Կայսար»-ի նկատմամբ:

Հայաստանի ֆուտբոլի առաջնությունը կվերսկսվի փետրվարի 28-ին: Այժմ բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն է, «Նոա»-ն ունի 24 միավոր: «Փյունիկ»-ն իր ակտիվում ունի 20, «Ուրարտու»-ն` 17, «Գանձասար-Կապան»-ը` 14 միավոր: Միավոր չունի «Երևան»-ը: