Շվեդիայում միգրանտներին կբնակեցնեն թոշակառուների հետ
1 րոպեի ընթերցում
![Շվեդիայում միգրանտներին կբնակեցնեն թոշակառուների հետ](http://armenpress.am/resized/480/static/news/b/2019/12/1000208.jpg)
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Շվեդիայում թոշակառուների հետ երիտասարդ միգրանտների են բնակեցնելու օտարերկրացիների ինտեգրացման ծրագրի շրջանակում: Այդ մասին, ինչպես տեղեկացնում Է «Արմենպրես»-ը, հայտնել Է Deutsche Welle-ն:
SՊllBo նախագծի հեղինակները հայտարարում են, որ դա կօգնի տարեց մարդկանց՝ ձերբազատվելու մենակության զգացումից, իսկ միգրանտներին՝ ընտելանալ նոր երկրին: Ծրագիրն անցկացվելու Է Հելսինգբորգ շվեդական քաղաքի հատուկ հանրակացարաններում: 31 բնակարան կհատկացնեն թոշակառուներին, եւս 20-ը՝ 18-ից մինչեւ 25 տարեկան միգրանտներին: Բնակարանների կեսը նախատեսված Է այն եկվորների համար, որոնք ապրում են երեխաների հետ:
«Տարաբնակեցման այս եղանակն աշխարհի ոչ մի երկրում դեռ չի կիրարկվել»,-ընդգծում են նախագծի ստեղծողները: Նրանք նշում են, որ հաճախ միգրանտները Շվեդիայում նույնիսկ չեն շփվում տեղի չափահաս ու տարեց բնակիչների հետ: Համարվում Է, որ համատեղ կեցությունը եկվորներին կօգնի ավելի լավ հասկանալ Շվեդիայի հասարակությանը:-0-/56/ 15.38