ՆԱՏՕ-ի գագաթնաժողովը տեղի կունենա դեկտեմբերին Լոնդոնում
21:18, 22 Մայիս 2019
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: ՆԱՏՕ-ի անդամ պետությունների ու կառավարությունների ղեկավարների գագաթնաժողովը տեղի կունենա դեկտեմբերի 3-4-ը Լոնդոնում: Այդ գագաթաժողովի ժամանակ կնշվի ՆԱՏՕ-ի 70-ամյակը: Ինչպես հաղորդում է «Արմենպրես»-ը, այս մասին նշվում է ՆԱՏՕ-ի գլխավոր քարտուղար Յենս Ստոլտենբերգի հայտարարության մեջ:
«Ուրախ եմ հայտնել, որ դաշինքի առաջնորդների գագաթնաժողովը տեղի կունենա դեկտեմբերի 3-4-ը Լոնդոնում՝ տոնելու դաշինքի հիմնադրման 70-րդ տարեդարձը: Ես արդեն քննարկել եմ գագաթնաժողովի նախապատրաստումը Մեծ Բրիտանիայի վարչապետ Թերեզա Մեյի հետ»,- հայտնել է Ստոլտենբերգը:
Բաժանորդագրվեք մեր ալիքին Telegram-ում