Թուրքական օդուժը Աֆրինում հիվանդանոց է ռմբակոծել. կան զոհեր և վիրավորներ
12:28, 17 Մարտ 2018
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Թուրքիայի ռազմաօդային ուժերը սիրիական Աֆրինում հարվածներ են հասցրել հիվանդանոցի ուղղությամբ:
Ինչպես հաղորդում է «Արմենպրես»-ը, վկայակոչելով SANA գործակալությունը, ավիահարվածների հետևանքով 11 մարդ է զոհվել, կան տասնյակ վիրավորներ:
Հիվանդանոցի աշխատակիցը գործակալությանը հայտնել է, որ հիվանդանոցն ավիահարվածների հետևանքով նյութական լուրջ վնասներ է կրել:
Աղբյուրը նշել է, որ թուրքական օդուժի հարվածների հետևանքները խոչընդոտում են հիվանդանոցի աշխատակիցներին օգնություն ցուցաբերել վիրավոր խաղաղ բնակիչներին:
Բաժանորդագրվեք մեր ալիքին Telegram-ում