1000х90.jpg (78 KB)

Երևանում՝ 11:07,   29 Մարտ 2024

Փայլանն ու Մակրոնը քննարկել են Թուրքիայում մարդու իրավունքների հարցը

Փայլանն ու Մակրոնը քննարկել են Թուրքիայում մարդու իրավունքների հարցը

ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Թուրքիայի մեջլիսի հայ պատգամավոր Գարո Փայլանը հունվարի 30-ին Ֆրանսիայի նախագահ Էմանուել Մակրոնի հետ քննարկել է Թուրքիայում մարդու իրավունքների հարցը: Ինչպես հաղորդում է «Արմենպրես»-ը, այս մասին հայտնում է Հայ դատի Եվրոպայի հանձնախումբը:

Քննարկումը տեղի է ունեցել Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքի շրջանակում:

Թուրքիայի քրդամետ Ժողովուրդների դեմոկրատական կուսակցության պաշտոնական կայքում հանդիպման մասին տեղ գտած հայտարարության մեջ ասվում է, որ Մակրոնն ու Փայլանն անդրադարձել են սիրիական Աֆրինում թուրքական զինված ուժերի գործողություններին՝ զգոնության կոչ անելով և մտահոգություն հայտնելով վերջին զարգացումների առնչությամբ:

Միջոցառման շրջանակում ժողովրդավարության և մարդու իրավունքների պայքարի գործում ներդրած ջանքերի համար Փայլանը Փարիզի քաղաքապետ Անն Հիդալգոյի կողմից ստացել է հատուկ շքանշան (La médaille Grand Vermeil):

Ֆրանսիայի Հանրապետության նախագահ Էմանուել Մակրոնը հունվարի 30-ին մասնակցել է Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքին:

Ընթրիքին մասնակցել են նաև Փարիզի քաղաքապետ Անն Իդալգոն, Իլ-դե-Ֆրանս շրջանի նախագահ Վալերի Պեկրեսը, Ֆրանսիայի խորհրդարանի պատգամավորներ, այդ թվում՝ հայազգի պատգամավոր Պատրիկ Դևեջյանը, Լիոնի քաղաքապետ Ժորժ Կեպենեկյանը, Ֆրանսիայի հայկական և հրեական համայնքների ներկայացուցիչներ: Ընթրիքի պատվո հյուրն էր Թուրքիայի Մեջլիսի պատգամավոր Գարո Փայլանը: Ընթրիքի ընթացքում ունեցած ելույթում Մակրոնն անդրադարձել է հայ համայնքին հուզող մի շարք հարցերի, այդ թվում՝ Հայոց ցեղասպանության և Լեռնային Ղարաբաղի խնդիրներին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]