Թուրքիայի տարբեր նահանգներում պայթյուններ են տեղի ունեցել. կան զոհեր
17:06, 25 Ապրիլ 2017
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Թուրքիայի Շըրնաք և Կարս գավառներում Քրդական բանվորական կուսակցության (PKK) կողմից կազմակերպված պայթյունների հետևանքով թուրք զինվորներ են մահացել: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Շըրնաքում գործի է դրվել քուրդ զինյալների կողմից տեղադրված ինքնաշեն պայթուցիկը, ինչի հետևանքով երկու թուրք զինվոր ծանր վիրավորում են ստացել: Հիվանդանոցում նրանց կյանքը փրկել չի հաջողվել:
Իսկ Կարսում թուրք ուժայինների կողմից որոնողական աշխատանքների ժամանակ գործի է դրվել թաքցված ականը: Պայթյունի հետևանքով երկու զինվոր սպանվել է, երեքը` վիրավորվել:
Բաժանորդագրվեք մեր ալիքին Telegram-ում