Դավիթ Տոնոյանը Ամերիկայի հայկական համագումարի ներկայացուցիչների հետ խոսել է տարածաշրջանային զարգացումներից
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ՀՀ պաշտպանության նախարարի առաջին տեդակալ Դավիթ Տոնոյանը հունիսի 24-ին ընդունել է Ամերիկայի հայկական համագումարի (ԱՀՀ) հոգաբարձուների խորհրդի համանախագահ Էնթոնի Բարսամյանին և ԱՀՀ տարածաշրջանային տնօրեն Արփի Վարդանյանին: Այս մասին «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից:
Հանդիպման ընթացքում զրուցակիցներն անդրադարձել են տարածաշրջանում տեղի ունեցող զարգացումներին և դրանց ենթատեքստում համահայկական կարևորություն ստացած և փոխադարձ հետաքրքրություն ներկայացնող մի շարք հարցերի, ինչպես նաև դրանց առնչությամբ սփյուռքահայ համայնքի հետ ավելի սերտ համագործակցության հնարավորություններին:
Հանդիպման ընթացքում համանախագահ Է. Բարսամյանը, ով Հայաստան կատարած իր այցի ընթացքում մեկնել էր նաև ԼՂՀ, առանձնահատուկ նշել է, որ ԱՄՆ հայկական համայնքը համախմբված է և կանգնած է Հայաստանի կողքին` վստահեցնելով, որ Համագումարն այսուհետ էլ շարունակելու է համագործակցել բոլոր հայկական կազմակերպությունների ու քաղաքական ուժերի հետ՝ ի նպաստ Հայաստանի և համայն հայության:
Բաժանորդագրվեք մեր ալիքին Telegram-ում