ԱՄՆ Սուրբ Էլիզաբեթ քոլեջում Հայոց ցեղասպանության մասին բաց դաս կանցկացվի
12:05, 5 Մայիս 2016
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: ԱՄՆ Մորիս քաղաքում գտնվող Սուրբ Էլիզաբեթ քոլեջի Հոլոքոսթի և ցեղասպանության կրթության կենտրոնում մայիսի 10-ին անվճար կրթական ծրագիր կմատուցվի, որը կրում է «Հայոց ցեղասպանությունից Հոլոքոստ. հիշելով հանուն ապագայի» խորագիրը: Ինչպես հաղորդում է «Արմենպրես»-ը, այս մասին տեղեկացնում է Morris News Bee-ն:
Ծրագրի շրջանակում հարցի շուրջ կխոսեն Հայոց ցեղասպանության թեմայով մասնագետներ` Լոս Անջելեսում Ամերկայի հրեական համալսարանի պրոֆեսոր Մայքլ Բերենբաումը և Կալիֆորնիայի համալսարանի պրոֆեսոր Ռիչարդ Հովհաննիսյանը: Մասնագետների կողմից թեման ներկայացնելուց հետո կցուցադրվի «1915» ֆիլմը, որին կհաջորդի քննարկումը ֆիլմի սցենարիստ և ռեժիսոր Կարին Հովհաննիսյանի հետ:
Բաժանորդագրվեք մեր ալիքին Telegram-ում