Մինչ սեպտեմբերի 15-ը կառավարությունը կավարտի 2015 թ. պետբյուջեի նախագծի քննարկումները
ԵՐԵՎԱՆ, 4 ՍԵՊՏԵՄԲԵՐ, ԱՐՄԵՆՊՐԵՍ: Հայաստանի ֆինանսների նախարարությունը մյուս գերատեսչություններին է ներկայացրել 2015 թվականի պետական բյուջեի տարբերակը: «Արմենպրես»-ի հաղորդմամբ` ՀՀ կառավարության նիստում վարչապետ Հովիկ Աբրահամյանը նշեց, որ առաջիկա օրերին իրենք կքննարկեն բոլոր նախարարությունների, գերատեսչությունների հետ, թե մակրոտնտեսական ցուցանիշը, թե եկամուտները, թե ծախսերը և Սահմանադրությամբ սահմանված ժամկետում նախագիծը կուղարկվի Հայաստանի Հանրապետության Ազգային ժողով:
Քննարկումները կավարտվեն սեպտեմբերի 15-ը: ՀՀ Սահմանադրության 90-րդ հոդվածը սահմանում է, որ կառավարությունը պետական բյուջեի նախագիծն Ազգային ժողովի քննարկմանն է ներկայացնում բյուջետային տարին սկսվելուց առնվազն իննսուն օր առաջ եւ կարող է պահանջել, որ այն իր կողմից ընդունված ուղղումներով քվեարկության դրվի մինչեւ այդ ժամկետի ավարտը:
Բաժանորդագրվեք մեր ալիքին Telegram-ում