Երևանում՝ 11:07,   19 Ապրիլ 2024

Ֆրանսիայի Սենատում առաջարկել են ուսումնասիրել Հայաստանին CAESAR հրետանային համակարգեր մատակարարելու հնարավորությունը

Ֆրանսիայի Սենատում առաջարկել են ուսումնասիրել Հայաստանին CAESAR 
հրետանային համակարգեր մատակարարելու հնարավորությունը

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ։ Ֆրանսիան Հայաստան է առաքելու ընդհանուր առմամբ Arquus ընկերության արտադրած 50 «Բաստիոն» զրահամեքենա։

Ինչպես տեղեկացնում է «Արմենպրես»-ը, այս մասին նշված է Ֆրանսիայի Սենատի բյուջեի պաշտպանության բաժնում։

Նշվում է, որ արդեն իսկ 24 զրահամեքենա է առաքվում Հայաստան, ևս 26-ը հետո կառաքվի, ներկայումս դրանք արտադրման փուլում են։

Փաստաթղթում նաև ասվում է, որ Հայաստանը վերջերս GM 200 ռադիոտեղորոշիչ կայաններ ձեռք բերելու պատվեր է ստորագրել և բանակցություններ են ընթանում MISTRAL 3 հրթիռային համակարգերի մատակարարման շուրջ։ 

«Ֆրանսիայի իշխանությունները նախաձեռնել են պաշտպանական զինատեսակներ մատակարարել Հայաստան։ Պաշտպանական և հարձակվողական զենքերի միջև այս տարբերակումը իրականում այնքան էլ պրակտիկ չէ, ինչպես ցույց տվեց Ուկրաինայի պատերազմը: Չկրկնենք նույն սխալները և չհետաձգենք այն սարքավորումների մատակարարումը, որոնք անհրաժեշտ կլինեին ի սկզբանե։ Այդ իսկ պատճառով մենք պետք է օպերատիվ արձագանքենք Հայաստանի իշխանությունների բոլոր խնդրանքներին, հատկապես՝ կապված նրանց հրետանային միջոցները համալրելու կարիքի հետ», – նշված է զեկուցողների փաստաթղթում, որոնք նաև խորհուրդ են տալիս «հնարավորինս շուտ ուսումնասիրել CAESAR հրետանային համակարգերի մատակարարումը՝ հաշվի առնելով դրանց արդյունավետությունը»։

 

 


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]