Շոլցը կոչ է արել Արեւմտյան Բալկանների երկրներին ԵՄ-ի անդամակցության «համոզիչ խոստում» տալ
13:05, 23 Հունիս 2022
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Արեւմտյան Բալկանների երկրները «շատ ջանքեր են գործադրել» Եվրամիությանը միանալու համար, այժմ պետք Է «դեպի առաջ քայլ արվի» այդ ուղղությամբ: Հունիսի 23-ին Բրյուսելում այդ մասին հայտարարել Է Գերմանիայի կանցլեր Օլաֆ Շոլցը, տեղեկացնում Է «Արմենպրես»-ը:
Նրա խոսքով՝ Գերմանիան կաջակցի «Արեւմտյան Բալկանների երկրների գործողություներին դեպի ԵՄ տանող ճանապարհին»: «Կարեւոր Է, որ (նրանց) համոզիչ խոստում տրվի»,- ասել Է նա:
Շոլցը նշել Է, որ Բեռլինն «զգում Է իր պատասխանատվությունն» այդ գործընթացում: Ներկայումս Եվրամիության անդամակցության պաշտոնական թեկնածուներ են չորս բալկանյան պետություններ՝ Ալբանիան, Հյուսիսային Մակեդոնիան, Սերբիան եւ Չեռնոգորիան, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում