Հայաստանում COVID-19-ի դեմ կատարվել է 275 հազար 138 պատվաստում
10:39, 30 Օգոստոս 2021
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: COVID-19-ի դեմ պատվաստումների մեկնարկից ի վեր օգոստոսի 29-ի դրությամբ կատարվել է 275 հազար 138 պատվաստում, որից առաջին դեղաչափ` 176 հազար 552, երկրորդ դեղաչափ` 98 հազար 586։
«Արմենպրես»-ի փոխանցմամբ՝ այս մասին տեղեկացնում են ՀՀ առողջապահության նախարարությունից՝ մեկտեղ հիշեցնելով, որ «Կորոնավակ»-ով (միայն 2-րդ դեղաչափ), «ԱստրաԶենեկա»-ով, «Սպուտնիկ-Վի»-ով և «Սինոֆարմ»-ով պատվաստումները կարող են իրականացվել 18 և բարձր տարիքի անձանց շրջանում, կամավորության սկզբունքով
Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի, ժամը 10։00-16։00-ը, սահմանվել են հերթապահություններ:
Բաժանորդագրվեք մեր ալիքին Telegram-ում