ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Հայաստանում օգոստոսի 7-ին, ժամը 11:00-ի դրությամբ հաստատվել է կորոնավիրուսի հիվանդության 298 նոր դեպք, առողջացել է 218 քաղաքացի, գրանցվել է մահվան 5 նոր դեպք: Մեկ օրում կատարվել է 6405 թեստավորում: Թեստավորման ընդհանուր թիվն այսպիսով հասել է 1 385 302-ի:

«Արմենպրես»-ի հաղորդմամբ, այս մասին հայտնում է ՀՀ առողջապահության նախարարության հիվանդությունների վերահսկման և կանխարգելման ազգային կենտրոնը: 

Հաստատվել է կորոնավիրուսային հիվանդության ընդհանուր 231 923 դեպք, որոնցից 221 043-ն առողջացման, 4641-ը՝ մահվան ելքով: Կորոնավիրուսային հիվանդությունից այս պահին փաստացի բուժում է ստանում 5115 պացիենտ: 

Արձանագրվել է նաև մահվան 1124 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։