1000х90.jpg (78 KB)

Երևանում՝ 11:07,   28 Մարտ 2024

Զարգացած են համարվում այն երկրները, որոնք երեխայի կրթության ավելի ցածր տարիք են ֆիքսում. Նիկոլ Փաշինյան

Զարգացած են համարվում այն երկրները, որոնք երեխայի կրթության ավելի ցածր 
տարիք են ֆիքսում. Նիկոլ Փաշինյան

ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Միայն կրթությամբ հնարավոր չէ լուծել բոլոր հարցերը, բայց չկա որևէ խնդիր, որի լուծումը հնարավոր է առանց կրթական բաղադրիչի՝ սկսած քաղաքականությունից՝ շարունակելով օրենսդրական համակարգ, զինված ուժեր: Այդ մասին կառավարության նիստում նշեց վարչապետ Նիկոլ Փաշինյանը՝ անդրադառնալով Հանրակրթության պետական նոր չափորոշիչին, որն ընդունվեց այսօրվա նիստում:

«Կրթության չափորոշիչի այս ընդունումը համարում եմ կարևորագույն ռեֆորմներից մեկը և շատ կարևոր եմ համարում, որ ունեցել ենք կամք այս պայմաններում այս ռեֆորմը հասցնելու այս կետին: Կարևոր եմ համարում դա շարունակելը: Պարզ է, որ լինելու են բազմաթիվ քննադատություններ՝ ընդհուպ մինչև ինչպես կարելի է գնահատման համակարգից հրաժարվել, բայց սա համապարփակ ծրագիր է ու պետք  է իրականացնել՝ ավելի մեծ շեշտը դնելով աշակերտի կարիքների, նախասիրությունների վրա»,- «Արմենպրես»-ի փոխանցմամբ, ասաց Նիկոլ Փաշինյանը:

Վարչապետի խոսքով՝ պետք է ուշադիր լինել, թե երեխան դպրոցում ինչի վրա է ծախսում  ժամանակը: «Ինչ գիտելիք ու հմտություն զարգացնելու վրա ենք ժամանակը օգտագործում, քանի որ դա 15-20 տարի հետո արտահայտվելու է մեր իրականության մեջ,  տեխնոլոգիական ապրանք ունենք, թե չունենք: Այն, ինչին 12 տարում հասնում ենք՝ կարող ենք հասնել ինը տարում, բայց իննամյա պլանը մեզ չի բավարարում: Մենք ասում ենք՝ ոչ թե ինը տարի դարձնենք, այլ երեխայի ժամանակը լրացնենք այնպես, որ տասներկու տարում 50 տոկոս ավելի արդյունք ունենանք: Կարևոր է նաև արձանագրել, որ ժամանակակից աշխարհում երեխայի կրթությունը սկսվում է ոչ թե դպրոցից, այլ նախակրթարանից ու զարգացած են համարվում այն երկրները, որոնք երեխայի կրթության ավելի ցածր տարիք են ֆիքսում», - ասաց նա՝ հավելելով, որ Ազգային ժողովի օրակարգում է նաև «Բարձրագույն կրթության մասին» օրենքը: «Սա մեկ ամբողջության մեջ պետք է դիտարկել»,- ընդգծեց նա:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]