ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ:  Թուրքիայի Կենտրոնական բանկի (ԿԲ) կողմից հրապարակվել են 2020 թվականի սեպտեմբերի դրությամբ կարճաժամկետ արտաքին պարտքի վիճակագրությունը։ 

Ինչպես հաղորդում է «Արմենպրես»-ը՝ վկայակոչելով թուրքական GazeteDuvar լրատվական գործակալությունը, ըստ վիճակագրական տվյալների՝ 2019-ի սեպտեմբերի վերջի համեմատ կարճաժամկետ արտաքին պարտքի ֆոնդը աճել է 8.8 տոկոսով՝ հասնելով 134 մլրդ դոլարի: Նախորդ տարվա նույն ժամանակահատվածում արտաքին պարտքի կարճաժամկետ ֆոնդը կազմել է 121 միլիարդ դոլար: Անկախ սկզբնական մարման ժամկետից ՝ 1 տարի կամ պակաս ժամկետով արտաքին պարտքը հասել է 182 միլիարդ 500 միլիոն դոլարի:

 Բանկերի՝ արտասահմանից վերցրած կարճաժամկետ վարկերը 2019-ի վերջի համեմատ աճել են 21,4 տոկոսով և հասել 9,3 միլիարդ դոլարի: Ոչ ռեզիդենտների արտարժութային ավանդները, բացառությամբ բանկերի, աճել են 1.7% -ով և կազմել 21.4 մլրդ դոլար, իսկ ոչ ռեզիդենտ բանկերի ավանդները նվազել են 15.6% -ով և կազմել 11.5 մլրդ դոլար: Օտարերկրյա ռեզիդենտների թուրքական արտարժույթով ավանդները անցյալ տարվա վերջի համեմատ աճել են 8,7 տոկոսով և կազմել 14,8 միլիարդ դոլար:

Վարկառուների բազան ուսումնասիրելիս երևում է, որ մինչ պետական բոլոր բանկերից բաղկացած պետական սեկտորի կարճաժամկետ պարտքը 2019 թվականի վերջի համեմատ 2020թ․  սեպտեմբերին աճել է 4,7% -ով և կազմել 26,2 մլրդ դոլար, մասնավոր սեկտորի կարճաժամկետ արտաքին պարտքը կրճատվել է 3,3% -ով և կազմել 86,8 մլրդ դոլար: Այս ժամանակահատվածում մասնավոր պարտատերերի անվան ներքո դրամավարկային ինստիտուտների կարճաժամկետ պարտքերը տարեվերջի համեմատ, աճելով 27 տոկոսով, 57,5 միլիարդ դոլարի չափով, իսկ ոչ դրամական հիմնարկների պարտքերը՝ 2 տոկոսով աճելով, 75,9 միլիարդ դոլարի չափով են իրացվել: Կարճաժամկետ պարտատոմսերի թողարկումները, որոնք նախորդ տարվա վերջին  67 մլն դոլար էին, սեպտեմբերին հասան  502 մլն դոլարի, մինչդեռ պաշտոնական պարտատերերի կարճաժամկետ պարտքերը  նույն ժամանակահատվածում  103 մլն դոլար էր:

Կարճաժամկետ արտաքին պարտքի ֆոնդային արժույթի կազմը այսպիսին է`43.2 տոկոսը դոլար, 29 տոկոսը եվրո, 12.3 տոկոսը թուրքական լիրա և 15.5 տոկոսը այլ արտարժույթներ: Նշված ֆոնդային արժույթի 15․1 միլիարդ դոլարանոց մասը ձևավորվել է Թուրքիայի ռեզիդենտ բանկերի և մասնավոր սեկտորի՝ օտարերկրյա մասնաճյուղերի ու ձեռնարկությունների նկատմամբ ունեցած պարտքերից։

Էմմա Արդարյան