1000х90.jpg (78 KB)

Երևանում՝ 11:07,   28 Մարտ 2024

COVID-19. Աբու Դաբիի ցողունային բջիջների կենտրոնը բուժել է ավելի քան 2000 հիվանդների. դեսպանություն

COVID-19. Աբու Դաբիի ցողունային բջիջների կենտրոնը բուժել է ավելի քան 2000 
հիվանդների. դեսպանություն

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Աբու Դաբիի ցողունային բջիջների կենտրոնը (ADSCC) հայտարարել է, որ բուժել է COVID-19–ով վարակված ավելի քան 2000 հիվանդների, որոնցից 1200-ն արդեն լիովին վերականգնվել է վիրուսի հետևանքներից: Հատկանշական է, որ սկզբնական կլինիկական փորձարկումներում հաջողվել է բուժել  73 վարակակրի: Ինչպես «Արմենպրես»-ին տեղեկացրին Հայաստանում Արաբական Միացյալ Էմիրությունների դեսպանությունից, բուժվածների թվի աճը գրանցվել է կենտրոնի աշխատակիցների մեծ ջանքերի շնորհիվ և այն բանից հետո, երբ ԱՄԷ կառավարության որոշմամբ COVID-19-ով միջին և ծանր հիվանդների համար բուժումը դարձավ անվճար:

Հաղորդագրության մեջ նշված է. «Կառավարության որոշումը կայացվեց այն բանից հետո, երբ բուժումը ստացավ UAECell19 անվանումը և ցույց տվեց իր արդյունավետությունն և անվտանգությունը` չհանգեցնելով որևէ վտանգավոր փոփոխության, անսպասելի լուրջ ռեակցիայի (օրինակ `անաֆիլաքսիա, ալերգիկ ռեակցիաներ կամ հանկարծակի մահ), ինչպես նաև թոքերի ցանկացած բարդությունների և այլն:

Նախորդ ամիս ADSCC  կենտրոնի բժիշկների և հետազոտողների մի խումբ բժիշկ Յենդրի Վենտուրայի գլխավորությամբ հայտարարել են, որ մշակել են բուժման նոր եղանակ՝ նոր կորոնավիրուսի բորբոքումները վաղ շրջանում բուժելու համար։  UAECell19-ը՝ ցողունային բջիջների վրա հիմնված թերապիա է, որն օգնում է մարմնին պայքարել վիրուսի դեմ և նվազեցնում  է հիվանդության ախտանշանները։ Բուժման այս տարբերակը հիմնված է հիվանդի արյան միջից ցողունային բջիջների դուրսբերմամբ և նուրբ նյութի միջոցով նորից թոքեր ներարկմամբ՝ ինհալացիայի միջոցով բջիջներն ակտիվացնելուց հետո։

Հետազոտողները բուժման առաջին փորձարկումներից հետո կարողացել են եզրակացնել, որ UAECell19-ը, ի տարբերություն  բուժման ավանդական եղանակի,  կարող է  նվազեցնել բուժման ժամկետը՝ 22 օրից հասցնելով ընդամենը 6 օրվա։

Հավելյալ հետազոտությունները ցույց են տվել, որ  հիվանդները, որոնք բուժում են ստացել ցողունային բջիջներով, բուժվել են 7 օրից էլ քիչ ժամկետում, այսինքն մոտ 3,1 անգամ ավելի արագ, քան այն հիվանդները, որոնք ստացել են միայն ավանդական բուժում։ Ցողունային բջիջների միջոցով բուժում ստացած հիվանդների 67%-ն իր ապաքինման համար շնորհակալ է բուժման այս նոր եղանակին։

Աբու Դաբիի Ցողունային բջիջների կենտրոնը նշել  է, որ կենտրոնին հաջողվել է հասնել UAECell19-ի մտավոր սեփականության իրավունքի պաշտպանությանն, ինչը թույլ է տվել տարածել բուժման այս եղանակը հնարավորինս լայն շրջանակներում՝  նպաստելով ավելի մեծ թվով հիվանդների ապաքինմանը։

Աբու Դաբիի Ցողունային բջիջների կենտրոնն ընդգծել է, որ հետազոտողները տարբեր փուլերում ջանքեր են գործադրում՝ ապացուցելու բուժման և ճիշտ չափաբաժնի արդյունավետությունը (փորձարկումների երրորդ փուլ), ինչպես նաև փորձարկելու այս բուժման արդյունավետությունն այլ հիվանդությունների բուժման համար, ինչպիսիք են՝ շնչառական համակարգի այլ հիվանդություններ, բրոնխիալ ասթմա, թոքերի քրոնիկ օբստրուկտիվ հիվանդություն, ցիստիկ ֆիբրոզ»։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]