Ժամանակը Երևանում՝ 11:07:36,   8 Հուլիս

Նյու Յորքի «Մետրոպոլիտեն-օպերան» չեղյալ է հայտարարել աշնանային թատերաշրջանը

Նյու Յորքի «Մետրոպոլիտեն-օպերան» չեղյալ է հայտարարել աշնանային 
թատերաշրջանը

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ։ Նյու Յորքի «Մետրոպոլիտեն-օպերա» թատրոնը ստիպված որոշում է կայացրել չեղարկել իր աշնանային թատերաշրջանը, որը պետք է մեկնարկեր սեպտեմբերին։

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին,

«Հաշվի առնելով «Մետրոպոլիտենում» պլանավորման բարդությունները, մենք ստիպված էինք չեղյալ հայտարարել աշնանային թատերաշրջանը։ Մեզ համար ամենակարևորը աշխատակիցների և հանդիսատեսի առողջությունն ու անվտանգությունն են, և թատրոնը բացել սեպտեմբերին, քանի դեռ գործում են սոցիալական հեռավորության պահանջները, պարզապես արդարացված չէ», - հայտնել է գլխավոր մենեջեր Փիթեր Գելբը:

Հստակեցվում է, որ չեղարկումը վերաբերելու է ոչ միայն խաղացանկային ներկայացումներին, այլև առաջին կիսամյակում նախատեսված Աննա Նետրեբկոյի կատարմամբ «Աիդա»-ի նոր բեմադրությանը, «Տրուբադուրին», ինչպես նաև «Ֆիդելիոյին»:

Հաջորդ թատերաշրջանը թատրոնը նախատեսում է սկսել ամանորյա գալա­համերգով՝ դեկտեմբերի 31-ին։

Ընդ որում, «Մետրոպոլիտեն­-օպերան» խոստանում է պահպանել հեռարձակումները կինոթատրոններում։

Պատրաստեց Լիլիթ Դեմուրյանը





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ