Երևանում՝ 11:07,   26 Ապրիլ 2024

Իտալական վերլուծականն անդրադարձել է Կարեն Պետրոսյանի ողբերգական մահին

Իտալական վերլուծականն անդրադարձել է Կարեն Պետրոսյանի ողբերգական մահին

ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իտալական Osservatorio Balcani e Caucaso վերլուծականը իր կայքում անդրադարձել է ադրբեջանցիների կողմից գերի վերցված Կարեն Պետրոսյանի ողբերգական մահին: Ինչպես հաղորդում է «Արմենպրես»-ը, իտալական պարբերականն ներկայացնում է Տավուշի մարզի Չինարի գյուղի 31-ամյա բնակչի գերի ընկնելու և անհասկանալի պայմաններում մահանալու պատմությունը:

Պարբերականը գրում է, որ մինչ Չինարիի մեկ այլ բնակիչ հայտնել է, որ Կարենը մոլորվել էր փայտ հավաքելու ընթացքում, Բաքվի իշխանությունները պնդում էին, որ վերջինս դիվերսանտ է և լրտես: Ընդ որում, հայկական կողմի տեսակետն էր պաշտպանում նաև Ֆարիդա Թագիևան, ով առաջինն էր հանդիպել Կարենին վերջինիս կողմից Ադրբեջանի հետ սահմանը հատելուց հետո: Թագիևան և ադրբեջանական գյուղի մյուս բնակիչները հետագայում հայտնել էին, որ հայկական կողմից եկած մարդն անզեն էր և քաղաքացիական հագուստով: Որպես ասվածի ապացույց է ծառայում գյուղացիների արած սիրողական տեսաձայնագրությունը:

Այդուհանդերձ, ադրբեջանական իշխանությունները Կարենին բռնելուց քիչ հետո նրան հանրությանն են ներկայացնում զինվորական հագուստով` պնդելով, թե Կարենը հայկական կողմից ուղարկված դիվերսանտ է: Հաջորդ առավոտ Բաքուն հայտարարում է, որ «հայկական դիվերսանտը» մահացել է «սրտի անբավարարության հետևանքով»:

Իտալական պարբերականն ահազանգում է, որ ողջ ընթացքում պաշտոնական Բաքուն բանեցրել է ռազմատենչ հռետորաբանություն, անգամ Նախագահ Իլհամ Ալիևի «Թվիթեր»-ի միկրոբլոգը լցվում է սպառնալիքներով, մեղադրանքներով և ռազմատենչ հայտարարություններով ընդդեմ «հայ բարբարոսների և վանդալների»: Հաջորդ օրը Ադրբեջանի պաշտպանության նախարարը հայտարարում է, որ անհրաժեշտության դեպքում «պատրաստ է ոչնչացնել մայրաքաղաք Երևանը»:

Իտալական պարբերականը գրում է, որ հետագա օրերին Ադրբեջանում սկսվում է ձերբակալությունների և ճնշումների ալիք, որն ուղեկցվում է ադրբեջանցի ակտիվիստների և իրավապաշտպանների ձերբակալություններով: Osservatorio Balcani e Caucaso-ն նշում է, որ հայ-ադրբեջանական լարվածությունը թուլացավ միայն Սոչիում երկու երկրների նախագահների հանդիպումներից հետո: Պարբերականը եզրափակում է, որ թեպետ այդ օրվանից սկսած վերադարձ կատարվեց դեպի սահմանի հարաբերական անդորրություն, այդուհանդերձ հրադադարի պարբերական խախտումներ շարունակում են գրանցվել: Osservatorio Balcani e Caucaso-ի գնահատմամբ, կատարվածի միակ դրական երևույթն այն էր, որ թե հայկական, թե ադրբեջանական կողմի քաղաքացիական հասարակությունը հակամարտության ամենաթեժ օրերին հանդես եկավ խաղաղության կոչերով:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am