1 წუთი კითხვის
აშშ-ის პრეზიდენტმა დონალდ ტრამპმა განაცხადა, რომ იმედოვნებს, უახლოეს მომავალში შეხვდება რუსეთის პრეზიდენტ ვლადიმირ პუტინსა და უკრაინის პრეზიდენტ ვოლოდიმირ ზელენსკის. „არმენპრესის“ ცნობით, ამის შესახებ ტრამპმა ტეხასში მიტინგიდან დაბრუნების შემდეგ განაცხადა.
„ჩვენ დიდი პროგრესი გვაქვს რუსეთთან და უკრაინასთან დაკავშირებულ ვითარებაში. ძალიან მალე გვექნება შეხვედრა“, - განაცხადა მან ენდრიუსის გაერთიანებულ ბაზაზე ჟურნალისტებთან საუბრისას, რისი ვიდეომასალაც Magno News-მა გაავრცელა.
ჟურნალისტის დამაზუსტებელ კითხვაზე, თუ კონკრეტულად ვისთან იგეგმება შეხვედრები, ტრამპმა უპასუხა: „პრეზიდენტ პუტინთან და პრეზიდენტ ზელენსკისთან“.