სომხეთის ეროვნულ ასამბლეაში სომხეთ-დიდი ბრიტანეთის მეგობრობის ჯგუფი ჩამოყალიბდება - ჰაიკ კონჯორიანი სომხეთში გაერთიანებული სამეფოს ელჩს შეხვდა
1 წუთი კითხვის
სომხეთის რესპუბლიკის ეროვნული ასამბლეის თავმჯდომარის მოადგილე ჰაიკ კონჯორიანი 20 აგვისტოს სომხეთის რესპუბლიკაში დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და უფლებამოსილ ელჩ ალექსანდრა ქოულს შეხვდა.
„არმენპრესის“ ცნობით, ამის შესახებ ინფორმაციას სომხეთის ეროვნული ასამბლეა ავრცელებს და აღნიშნავს, რომ ჰაიკ კონჯორიანმა, ელჩი პარლამენტში მიესალმა, ხაზი გაუსვა დიდი ბრიტანეთისა და ჩრდილოეთ ირლანდიის გაერთიანებულ სამეფოსთან საპარლამენტო თანამშრომლობის განვითარებას, რიგ სფეროებში გამოცდილების გაზიარებასა და პროფესიულ მხარდაჭერას. ეროვნული ასამბლეის ვიცე-სპიკერმა განაცხადა, რომ უახლოეს მომავალში ეროვნულ ასამბლეაში მეგობრობის ჯგუფები, მათ შორის სომხეთ-დიდი ბრიტანეთის მეგობრობის ჯგუფი ჩამოყალიბდება.
სტუმრის თხოვნით, ჰაიკ კონჯორიანმა ისაუბრა ახლად არჩეული პარლამენტის საკანონმდებლო საქმიანობაში ფრაქცია „სამოქალაქო ხელშეკრულების“ პრიორიტეტებზე, შეეხო ხელისუფლება-ოპოზიციის ურთიერთობებს.
ალექსანდრა ქოულმა ჰაიკ კონჯორიანს ეროვნული ასამბლეის თავმჯდომარის მოადგილის თანამდებობაზე არჩევა მიულოცა. ელჩმა ასევე ხაზი გაუსვა ორ ქვეყნის პარლამენტებს შორის ურთიერთობების გაღრმავების აუცილებლობას.