აშშ-ის სახელმწიფო მდივანი აშშ-სა და ირანს შორის ტექნიკურ მოლაპარაკებებში არ მიიღებს მონაწილეობას
1 წუთი კითხვის
აშშ-ის სახელმწიფო მდივანი მარკო რუბიო აშშ-სა და ირანს შორის ტექნიკურ მოლაპარაკებებში არ მიიღებს მონაწილეობას.
მან განაცხადა, რომ ირანთან შეთანხმების თაობაზე ტექნიკური ჯგუფის მოლაპარაკებები მომავალი კვირის დასაწყისში გაგრძელდება.
„ტექნიკური ჯგუფები 29 ან 30 რიცხვში [ივნისის - რედ.] დაბრუნდებიან. ისინი სხვადასხვა თემის მიხედვით ჯგუფებად არიან დაყოფილნი. ვფიქრობ, ისინი შვეიცარიაში დაბრუნდებიან, თუ არ ვცდები“, - „არმენპრესის“ ცნობით, „რია ნოვოსტიზე“ დაყრდნობით, ამის შესახებ რუბიომ ჟურნალისტებთან საუბრისას აღნიშნა და დასძინა, რომ თავად ამ შეხვედრებში მონაწილეობას არ მიიღებს.
აშშ-ის სახელმწიფო მდივანმა მარკო რუბიომ 24 ივნისს ახლოაღმოსავლური ტურნე დაიწყო, პირველი გაჩერება კი არაბთა გაერთიანებულ საამიროებში გააკეთა. საამიროების შემდეგ რუბიო ქუვეითსა და ბაჰრეინს ეწვევა.