1 წუთი კითხვის
სომხეთის ფეხბურთის ფედერაციის პრეზიდენტი არმენ მელიქბეკიანი და საქართველოს ფეხბურთის ფედერაციის პრეზიდენტი ლევან კობიაშვილი ფიფა-ს პრეზიდენტ ჯანი ინფანტინოს შეხვდნენ.
„არმენპრესის“ ინფორმაციით, ამის შესახებ სომხეთის ფეხბურთის ფედერაცია იუწყება.
ჯანი ინფანტინოსთან საუბრისას, სომხეთისა და საქართველოს ფეხბურთის ფედერაციების პრეზიდენტებმა აღნიშნეს, რომ 2029 წლის მსოფლიო ახალგაზრდული ჩემპიონატის მასპინძლობა უდიდესი პატივი და პასუხისმგებლობაა.
ორი ქვეყნის საფეხბურთო უწყების ხელმძღვანელებმა მადლიერება გამოხატეს ფიფა-ს საფეხბურთო ოჯახის მიმართ სომხეთისა და საქართველოსადმი გამოცხადებული მაღალი ნდობისთვის. შეხვედრისას მხარეებმა კიდევ ერთხელ დაადასტურეს მზადყოფნა, გააერთიანონ ძალისხმევა და პოტენციალი მაღალი დონის საფეხბურთო ტურნირის ორგანიზებისთვის.
არმენ მელიქბეკიანმა და ლევან კობიაშვილმა ხაზგასმით აღნიშნეს, რომ ორივე ქვეყანა მოწადინებულია, 2029 წლის მსოფლიო ჩემპიონატი ნამდვილ საფეხბურთო დღესასწაულად აქციოს, რომელიც გამორჩეული იქნება მაღალი დონის ორგანიზებითა და სტუმართმოყვარეობის განსაკუთრებული ატმოსფეროთი.