„არარატ-არმენია“ პირველი სომხური კლუბია, რომელიც ევროპის ლიგის ძირითად ეტაპზე ითამაშებს

სომხეთის ფეხბურთის ჩემპიონატის ჩემპიონმა, ერევნის „არარატ-არმენიამ“ ისტორიულ შედეგს მიაღწია და ევროპის ლიგის ძირითად ეტაპზე იასპარეზებს.

„არმენპრესის“ ცნობით, ევროპის ლიგის საკვალიფიკაციო მე-4 ეტაპის საპასუხო მატჩში „არარატ-არმენიამ“ ვაზგენ სარგსიანის სახელობის რესპუბლიკურ სტადიონზე რუმინულ „უნივერსიტატეა კრაიოვას“ უმასპინძლა. შეხვედრის საწყის წუთებში ორივე კლუბი იერიშებს ცვლიდა, თუმცა ერთმანეთის სუსტი რგოლები ვერ იპოვა. ტაიმის შუაწელში „უნივერსიტატეა კრაიოვა“ უკვე უფრო მეტს უტევდა, ხოლო „არარატ-არმენიას“ აქცენტი სწრაფ კონტრიერიშებზე ჰქონდა გაკეთებული. მეორე ნახევარში გუნდების შეტევები უფრო მწვავე გახდა, თუმცა საბოლოო შედეგი დადებითი არ იყო. ყველაფერი დამატებითი დროისკენ მიდიოდა, თუმცა შეხვედრის კომპენსირებულ დროში „უნივერსიტატეა კრაიოვას“ ფეხბურთელებმა საკუთარ საჯარიმოში წესები დაარღვიეს და დანიშნული 11-მეტრიანი დარტყმა სანდრო ლიმამ უშეცდომოდ რეალიზა.

„არარატ-არმენია“ სომხური საკლუბო ფეხბურთის ისტორიაში პირველი გუნდი გახდა, რომელიც ევროპის ლიგის ძირითად ეტაპზე იასპარეზებს. ლიგის ეტაპის წილისყრა 28 აგვისტოს გაიმართება.