რონალდუ პორტუგალიის ეროვნულ ნაკრებში კარიერას ასრულებს

საუდის არაბეთის „ალ-ნასრის“ თავდამსხმელმა კრიშტიანუ რონალდუმ სოციალურ ქსელში პორტუგალიის ნაკრებში გამოსვლების დასრულების შესახებ განაცხადა.

„არმენპრესის“ ცნობით, ფეხბურთელმა გამოაქვეყნა ვიდეო, რომელსაც დაურთო წარწერა: „პორტუგალია სამუდამოდ ჩემში დარჩება“.

41 წლის კრიშტიანუ რონალდუს დებიუტი პორტუგალიის ნაკრებში 18 წლის ასაკში, 2003 წლის 20 აგვისტოს, ყაზახეთის ეროვნულ ნაკრებთან ამხანაგურ მატჩში (1:0) შედგა, სადაც ის მოედანზე მეორე ტაიმში შეცვლაზე შევიდა.

პორტუგალიის ნაკრების რიგებში თავდამსხმელმა სულ 234 მატჩი ჩაატარა, რომლებშიც 146 გოლისა და 45 საგოლე გადაცემის ავტორი გახდა. რონალდუ პორტუგალიის ნაკრებთან ერთად ევროპის ჩემპიონი (2016) და უეფა-ს ერთა ლიგის ორგზის გამარჯვებული (2018/2019, 2024/2025) გახდა.