ტიგრან სიმონიანი სომხეთის რესპუბლიკის განათლების, მეცნიერების, კულტურისა და სპორტის მინისტრის მოადგილედ დაინიშნა

სომხეთის პრემიერ-მინისტრ ნიკოლ ფაშინიანის გადაწყვეტილებით, პედაგოგიურ მეცნიერებათა კანდიდატი, დოცენტი ტიგრან სიმონიანი განათლების, მეცნიერების, კულტურისა და სპორტის მინისტრის მოადგილედ დაინიშნა. „არმენპრესის“ ცნობით, უწყებაში აცხადებენ, რომ სიმონიანი სპორტის სფეროს გაუწევს კოორდინაციას.

ტიგრან სიმონიანმა პროფესიული განათლება სომხეთის ფიზიკური კულტურისა და სპორტის სახელმწიფო ინსტიტუტში მიიღო, სადაც შემდგომში სამუშაო საქმიანობაც განავითარა. იგი 1996 წლიდან ასწავლის ინსტიტუტში: იყო უმაღლესი სასწავლებლის ჰ. თოფალიანის სახელობის ციკლური სპორტის სახეობების კათედრის სამეცნიერო საკითხთა პასუხისმგებელი, სამწვრთნელო-პედაგოგიური ფაკულტეტის დეკანი, ინსტიტუციური აკრედიტაციის სამუშაო ჯგუფის წევრი, ხოლო 2024–2026 წლებში იყო იმავე ინსტიტუტის რექტორი.

1984 წლიდან დაკავებული იყო მძლეოსნობით, იყო სომხეთის რესპუბლიკის მძლეოსნობის ნაკრების წევრი, რესპუბლიკური და საერთაშორისო ტურნირების პრიზიორია.