ვოლგოგრადიდან აზერბაიჯანის ტერიტორიით სომხეთისკენ გაემგზავრა ხორბლით დატვირთული მატარებელი։ მარშრუტი დაახლოებით 30 წელი არ იყო გამოყენებული
2 წუთი კითხვის
რუსეთის ფედერაციის ვოლგოგრადის ოლქის გმელინკას სადგურიდან, 1990-იანი წლების შემდეგ პირველად, ხორბლით დატვირთული ვაგონები სომხეთისკენ გაემგზავრა აზერბაიჯანის ტერიტორიის გავლით․
„არმენპრესის“ ინფორმაციით, ამის შესახებ რუსული მედია იუწყება ვოლგოგრადის რკინიგზის პრესსამსახურზე დაყრდნობით.
ხორბლის პირველი პარტია, რომელიც 7 ვაგონისგან შედგება, უკვე ერევნისკენ მიემართება. 2025 წლის ბოლომდე აღნიშნული მარშრუტით დაგეგმილია 30 ვაგონის გაგზავნა, სულ 2 ათასი ტონა ხორბლით.
2025 წლის 6 ნოემბერს აზერბაიჯანის ტერიტორიით სომხეთში ჩავიდა რუსული ხორბლის პარტია. რუსეთის ფედერაციიდან აზერბაიჯანის ტერიტორიის გავლით რკინიგზით სომხეთში დაახლოებით 1000 ტონა ხორბალი იქნა ტრანსპორტირებული. 8 ნოემბერს კი აზერბაიჯანის ტერიტორიით სომხეთში უკვე ჩავიდა ყაზახური ხორბლის პარტია, კვლავ 1000 ტონა.
მანამდე აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანმა გააუქმა ყველა შეზღუდვა საკუთარი ტერიტორიით სომხეთისკენ ტვირთების ტრანზიტზე. სომხეთის პრემიერ-მინისტრმა ნიკოლ ფაშინიანმა მიესალმა აზერბაიჯანის ამ გადაწყვეტილებას და განაცხადა, რომ სომხეთმაც, თავის მხრივ, გააუქმა ყველა შეზღუდვა საკუთარი ტერიტორიით აზერბაიჯანისკენ ტვირთების გადაზიდვაზე.
6 ნოემბერს რუსეთის ფედერაციის ტრანსპორტის სამინისტრომ განაცხადა, რომ აზერბაიჯანის ტერიტორიაზე გამავალი სარკინიგზო მარშრუტით 2026 წლის იანვრის ბოლომდე სომხეთში დამატებით 132 ვაგონი ხორბლის ექსპორტი განხორციელდება.