მირზოიანი და ბაირამოვი სომხეთსა და აზერბაიჯანს შორის სავაჭრო და სატრანზიტო თანამშრომლობას მშვიდობის სარგებლის პრაქტიკულ მაგალითად მიიჩნევენ

ნიუ-იორკში, გაეროს გენერალური ასამბლეის ფარგლებში, სომხეთის რესპუბლიკის საგარეო საქმეთა და საერთაშორისო ვაჭრობის მინისტრ არარატ მირზოიანისა და აზერბაიჯანის რესპუბლიკის საგარეო საქმეთა მინისტრ ჯეიჰუნ ბაირამოვის შეხვედრა გაიმართა.

„არმენპრესის“ ცნობით, სომხეთის რესპუბლიკის საგარეო საქმეთა და საერთაშორისო ვაჭრობის სამინისტრო იუწყება, რომ ორმა მინისტრმა ხაზი გაუსვა სომხეთსა და აზერბაიჯანს შორის მშვიდობის მნიშვნელობას შეეხო რა 2025 წლის ვაშინგტონის მშვიდობის სამიტის შეთანხმებების შემდეგ დაფიქსირებულ პროგრესს.

განსაკუთრებული ყურადღება დაეთმო სომხეთსა და აზერბაიჯანს შორის ეკონომიკური და სატრანსპორტო ინფრასტრუქტურების განბლოკვას. ამ კონტექსტში სომხეთსა და აზერბაიჯანს შორის სავაჭრო და სატრანზიტო თანამშრომლობა დასახელდა მშვიდობის სარგებლის პრაქტიკულ მაგალითად.

მინისტრებმა აზრები გაცვალეს სხვადასხვა მრავალმხრივ პლატფორმაზე პოზიტიური დღის წესრიგის წინ წაწევის შესაძლებლობაზე.

მინისტრები შეთანხმდნენ პირდაპირი დიალოგის გაგრძელებაზე.