1 წუთი კითხვის
სომხეთის საფეხბურთო ეროვნული გუნდის მცველი ნაირ ტიკნიზიანი მიიჩნევს, რომ ირლანდიის ნაკრებთან შეხვედრა მნიშვნელოვანია გუნდისთვის.
„პორტუგალიასთან მატჩი მტკივნეული, მაგრამ დიდი გამოცდილება იყო. ახლა უკვე დროა იფიქროთ ირლანდიასთან თამაშზე. ჩვენთვის ძალიან მნიშვნელოვანი შეხვედრაა ირლანდიასთან მატჩი. იმედი მაქვს, რომ ის წარმატებული იქნება ჩვენთვის“, – „არმენპრესის“ ცნობით, ჟურნალისტებთან წინასამატჩო პრესკონფერენციაზე განაცხადა ტიკნიზიანმა.
ეროვნული გუნდის მცველის თქმით, სომხეთის ნაკრებმა უკვე გააანალიზა მეტოქე, თუმცა დეტალებზე ხმამაღლა არ ისაუბრებენ.
„ჩვენ გავაძლიერეთ ირლანდიასთან მატჩისთვის მზადების პროცესი. სომხეთის ნაკრებისათვის ახლა მთავარი სტაბილურობაა. იმედი მაქვს, შედეგები აუცილებლად იქნება, როცა მინიმუმ ერთი წლის განმავლობაში ერთსა და იმავე სპეციალისტთან ერთად ვიმუშავებთ“, – აღნიშნა მან.
მსოფლიო ჩემპიონატის შესარჩევი ეტაპის მეორე ტურში სომხეთი ერევნის ვაზგენ სარგსიანის სახელობის რესპუბლიკურ სტადიონზე ირლანდიას უმასპინძლებს. შეხვედრა დაიწყება 9 სექტემბერს, 20:00 საათზე (ერევნის დროით).