სომხეთის რესპუბლიკის საგარეო საქმეთა მინისტრის მოადგილემ და პალესტინის საგარეო საქმეთა და დიასპორის საკითხთა სახელმწიფო მინისტრმა ნიუ-იორკში შეხვედრა გამართეს
1 წუთი კითხვის
სომხეთის რესპუბლიკის საგარეო საქმეთა მინისტრის მოადგილე ვაჰან კოსტანიანი 29 ივლისს ნიუ-იორკში მიმდინარე მინისტერიალის ფარგლებში, რომელიც ეძღვნება „პალესტინის საკითხის მშვიდობიან გადაწყვეტას ორი სახელმწიფოს პრინციპის საფუძველზე“, შეხვდა პალესტინის სახელმწიფოს საგარეო საქმეთა და დიასპორის საკითხთა სახელმწიფო მინისტრს ვარსენ აღაბეკიანს.
„არმენპრესის“ ინფორმაციით, სომხეთის რესპუბლიკის საგარეო საქმეთა სამინისტროს მიერ გავრცელებულ განცხადებაში აღნიშნულია, რომ მხარეებმა განიხილეს ორმხრივი ურთიერთობების მიმდინარეობა და გაცვალეს მოსაზრებები შესაძლო ერთობლივი პროგრამების შესახებю კმაყოფილებით აღინიშნა, რომ პალესტინელი დიპლომატები მონაწილეობდნენ სომხეთის დიპლომატიური სკოლის მიერ განხორციელებულ უცხოელი დიპლომატების გადამზადების პროგრამაში.
ვაჰან კოსტანიანმა და ვარსენ აღაბეკიანმა ასევე გაცვალეს მოსაზრებები სამხრეთ კავკასიასა და ახლო აღმოსავლეთში მიმდინარე პროცესებთან დაკავშირებით.