სტარმერმა და ტრამპმა განიხილეს თეირანის მოლაპარაკებების პროცესში დაბრუნების აუცილებლობა

დიდი ბრიტანეთის პრემიერ-მინისტრმა კირ სტარმერმა და აშშ-ის პრეზიდენტმა დონალდ ტრამპმა სატელეფონო საუბრისას განიხილეს ახლო აღმოსავლეთში შექმნილი ვითარება და აშშ-ის მიერ ირანზე განხორციელებული დარტყმები․ როგორც „არმენპრესი“ იუწყება, ამასთან დაკავშირებით განცხადება გაავრცელა დიდი ბრიტანეთის პრემიერ-მინისტრის ოფისმა․

„მათ განიხილეს ირანისთვის რაც შეიძლება მალე მოლაპარაკებების მაგიდასთან დაბრუნების აუცილებლობა, ასევე გრძელვადიანი გადაწყვეტის მიმართულებით პროგრესის მიღწევის საჭიროება“, - ნათქვამია განცხადებაში․

გარდა ამისა, ლიდერებმა კვლავ ხაზი გაუსვეს იმ სერიოზულ რისკს, რასაც ირანის ბირთვული პროგრამა წარმოადგენს საერთაშორისო უსაფრთხოებისთვის․

საუბრისას სტარმერმა და ტრამპმა ისაუბრეს ამერიკის მიერ ირანზე განხორციელებულ დარტყმებზე, რომლებიც „აშშ-ის მიერ განხორციელდა საფრთხის შესამცირებლად“. მხარეებმა თანხმობა განაცხადეს, რომ ირანს „არასდროს უნდა მიეცეს საშუალება ბირთვული იარაღი შეიმუშავოს“.

აშშ-მა მიიღო გადაწყვეტილება პირდაპირ ჩართულიყო ისრაელსა და ირანს შორის ერთ კვირაზე მეტ ხანს მიმდინარე კონფლიქტში და 22 ივნისს დარტყმები მიაყენა ირანის ბირთვულ ობიექტებს. ირანმა განაცხადა, რომ პასუხის გაცემის სრული უფლება აქვს.