1 წუთი კითხვის
სომხეთის რესპუბლიკის პრეზიდენტი ვაჰაგნ ხაჩატურიანი ვატიკანს 26 აპრილს ეწვევა.
„არმენპრესის“ ინფორმაციით, ამის შესახებ აცნობეს სომხეთის რესპუბლიკის პრეზიდენტის აპარატიდან.
„რესპუბლიკის პრეზიდენტი ვაჰაგნ ხაჩატურიანი 26 აპრილს წმინდა საყდარში (ვატიკანში) მონაწილეობას მიიღებს რომის წმინდა მღვდელმთავრის, ფრანცისკეს პაპის დაკრძალვის ცერემონიაში“, – აღნიშნულია გავრცელებულ განცხადებაში․
ადრე უკვე ცნობილი გახდა, რომ სრულიად სომეხთა კათოლიკოსი გარეგინ მეორეც დაესწრება რომის პაპ ფრანცისკეს დაკრძალვის ცერემონიას.
ფრანცისკე პაპი გარდაიცვალა 21 აპრილის დილას, 88 წლის ასაკში. იგი კათოლიკური ეკლესიის წინამძღოლი 2013 წლიდან იყო.
რომის პაპ ფრანცისკეს დაკრძალვა გაიმართება 26 აპრილს.