სომხეთში ჩამოვიდა საფრანგეთის ყოფილი პრემიერ-მინისტრი

ერევანი, 11 ივნისი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო საფრანგეთის ყოფილი პრემიერ-მინისტრი, „ლიდერები მშვიდობისათვის“ ორგანიზაციის პრეზიდენტი ჟან-პიერ რაფარენი.

„არმენპრესის“ ინფორმაციით, სომხეთის პრემიერ-მინისტრის აპარატიდან იუწყებიან, რომ ნიკოლ ფაშინიანმა მიესალმა ჟან-პიერ რაფარენის ვიზიტს სომხეთში. ნიკოლ ფაშინიანმა მაღალი შეფასება მისცა სომხეთთან დაკავშირებული საკითხებისადმი და სომხეთში შექმნილი სიტუაციის მიმართ ჟან-პიერ რაფარენის განსაკუთრებულ ყურადღებას. პრემიერ-მინისტრმა მნიშვნელოვანი უწოდა ამ დღეებში მისი ინიციატივით ერევანში დაწყებულ „მშვიდობის მობილური უნივერსიტეტის“ გადამზადების კურსს, რომელიც მიზნად ისახავს სომხეთის ახალგაზრდების კრიზისული სიტუაციების მართვის უნარების გაუმჯობესებას.

ჟან-პიერ რაფარენმა მადლობა გადაუხადა თბილი მიღებისთვის და დასძინა, რომ სომხეთში ვიზიტამდე შეხვდა საფრანგეთის პრემიერ-მინისტრ გაბრიელ ატალს, რომელმაც სთხოვა თავისი თბილი მოკითხვა გადაეცა სომხეთის პრემიერ-მინისტრისთვის. ბატონმა რაფარენმა ხაზი გაუსვა საფრანგეთის მხარდაჭერას სომხეთისადმი გამოწვევების დაძლევისა და დემოკრატიის განმტკიცების საქმეში. შემდეგ ის შეეხო „ლიდერები მშვიდობისათვის“ ორგანიზაციის საქმიანობას და მიზნებს.

მოსაუბრეებმა გაცვალეს მოსაზრებები სომხეთსა და აზერბაიჯანს შორის მშვიდობის ხელშეკრულების და საზღვრის დელიმიტაციის პროცესის, სომხეთის მთავრობის „მშვიდობის გზაჯვარედინი“ პროექტისა და სხვა საკითხების შესახებ.