მჰერ გრიგორიანმა და მიხაილ შვიდკოიმ განიხილეს სომხეთ-რუსეთის თანამშრომლობის პროგრამები განათლების, მეცნიერებისა და კულტურის სფეროებში

სომხეთის რესპუბლიკის ვიცე-პრემიერმა მჰერ გრიგორიანმა მიიღო რუსეთის ფედერაციის პრეზიდენტის სპეციალური წარმომადგენელი საერთაშორისო კულტურული თანამშრომლობის საკითხებში მიხაილ შვიდკოი.

„არმენპრესის“ ინფორმაციით, სომხეთის მთავრობის მიერ გავრცელებული განცხადების თანახმად, შეხვედრაზე მხარეებმა განიხილეს განათლების, მეცნიერებისა და კულტურის სფეროებში სომხეთსა და რუსეთს შორის არსებული და პერსპექტიული თანამშრომლობის პროგრამები.

განიხილეს აგრეთვე ის ღონისძიებები, რომლებიც მიზნად ისახავს ორ ქვეყანას შორის ტურისტული ნაკადების წახალისებას.

მხარეებმა დაადასტურეს ორმხრივი დაინტერესება პარტნიორობის შემდგომ გაღრმავებაში და გამოხატეს მზადყოფნა ერთობლივი ახალი ინიციატივების განხორციელებისადმი.