სომხეთის რესპუბლიკის შინაგან საქმეთა მინისტრმა და ევროკავშირის დელეგაციის ხელმძღვანელმა სავიზო ლიბერალიზაციის მიმართულებით მომავალი ნაბიჯები დასახეს
2 წუთი კითხვის
სომხეთის რესპუბლიკის შინაგან საქმეთა მინისტრი არპინე სარგსიანი 26 თებერვალს შეხვდა საქართველოში ევროკავშირის დელეგაციის ხელმძღვანელს ვასილის მარაგოსს.
როგორც „არმენპრესი“ შინაგან საქმეთა სამინისტროს მიერ გავრცელებულ განცხადებაზე დაყრდნობით იუწყება, არპინე სარგსიანმა მადლობა გადაუხადა ევროკავშირს სამინისტროში და მის დაქვემდებარებულ უწყებებში მიმდინარე რეფორმების აქტიური მხარდაჭერისთვის.
ვასილის მარაგოსმა, შინაგან საქმეთა სამინისტროსთან ეფექტიანი თანამშრომლობის მნიშვნელობას გაუსვა ხაზი და აღნიშნა, რომ ევროკავშირი მზად არის გააგრძელოს და გააფართოოს მხარდაჭერა რეფორმების პროცესში.
შეხვედრაზე განხილულ იქნა შინაგან საქმეთა სამინისტროსა და მისი დაქვემდებარებული სამსახურების რეფორმების მიმდინარეობა, მიღწეული შედეგები და ერთობლივად დაგეგმილი ახალი ნაბიჯები.
ევროკავშირის ელჩმა მაღალი შეფასება მისცა სავიზო ლიბერალიზაციის პირველი შეფასებითი მისიის ფარგლებში განხორციელებულ თანამშრომლობას როგორც ორგანიზაციული, ასევე შინაარსობრივი თვალსაზრისით. ასევე განისაზღვრა მეორე შეფასებითი მისიისთვის გადასადგმელი ნაბიჯები.
შეხვედრის დასასრულს, მხარეებმა განსაზღვრეს თანამშრომლობის მომავალი მიმართულებები და სამოქმედო გეგმები, რომლებიც რეფორმების ეფექტიან განხორციელებას მოემსახურება.