სომხეთის რესპუბლიკის პრემიერ-მინისტრმა და ევროკავშირის წევრი ქვეყნების ელჩებმა გამართეს შეხვედრა

სომხეთის რესპუბლიკის პრემიერ-მინისტრმა ნიკოლ ფაშინიანმა შეხვედრა გამართა სომხეთში აკრედიტებულ ევროკავშირის წევრი ქვეყნების ელჩებთან. შეხვედრაში მონაწილეობდა სომხეთში ევროკავშირის დელეგაციის ხელმძღვანელი, ელჩი ვასილის მარაგოსიც.

როგორც „არმენპრესი“ იუწყება, სომხეთის რესპუბლიკის მთავრობის აპარატის ცნობით, ნიკოლ ფაშინიანმა და ელჩებმა განიხილეს სომხეთ–ევროკავშირის ურთიერთობების მიმდინარე დღის წესრიგი, ბოლო პერიოდში დაფიქსირებული პროგრესი და შემდგომი თანამშრომლობის პერსპექტივები.

მხარეებმა მოსაზრებები გაცვალეს 8 აგვისტოს ვაშინგტონში გამართული მშვიდობის სამიტის შედეგად რეგიონში შექმნილ ვითარებაზე, სომხეთსა და აზერბაიჯანს შორის დამყარებულ მშვიდობაზე, რეგიონში საკომუნიკაციო მარშრუტების განბლოკვისკენ მიმართულ ნაბიჯებზე, მათ შორის TRIPP-ისა და „მშვიდობის გზაჯვარედინის“ პროექტებზე.

პრემიერ-მინისტრმა ნიკოლ ფაშინიანმა ასევე უპასუხა ელჩებისთვის საინტერესო შეკითხვებს.