მოსკოვი მნიშვნელოვან პროგრესს აფიქსირებს სომხეთსა და აზერბაიჯანს შორის საზღვრის დელიმიტაციისა და დემარკაციის საკითხში։ ოვერჩუკი

მოსკოვი მნიშვნელოვან პროგრესს აფიქსირებს სომხეთსა და აზერბაიჯანს შორის საზღვრის დელიმიტაციისა და დემარკაციის პროცესში. როგორც „არმენპრესი“ იტყობინება, ამის შესახებ რუსეთის ფედერაციის ვიცე-პრემიერმა ალექსეი ოვერჩუკმა განაცხადა.

„ძალიან დიდი და კარგი პროგრესია მიღწეული. საზღვრის ნაწილი უკვე დელიმიტირებულია და დემარკირებულია. როგორც ჩემთვის ცნობილია, სომხეთის ვიცე-პრემიერი მჰერ გრიგორიანი და აზერბაიჯანის ვიცე-პრემიერი შაჰინ მუსტაფაევი ბოლო დროს შეხვდნენ ერთმანეთს, შეთანხმდნენ საზღვრის დელიმიტაციისა და დემარკაციის პროცესის დაწყებაზე. ისინი დაიწყებენ პროცესს ჩრდილოეთიდან სამხრეთისკენ აზერბაიჯანის, სომხეთისა და საქართველოს საზღვრების გადაკვეთიდან და შემდეგ ქვემოთ იმოძრავებენ“, – აღნიშნა ოვერჩუკმა.

მისი თქმით, რუსეთი ყოველთვის მიესალმება ასეთ კომუნიკაციასა და ერთობლივ მუშაობას, რადგან, მისი შეფასებით, ეს უეჭველად შეუწყობს ხელს რეგიონში სტაბილურობის განმტკიცებას.