სომხეთში აშშ-ის დროებითი რწმუნებული ბაქოში აზერბაიჯანის საგარეო საქმეთა მინისტრის მოადგილეს შეხვდა

აზერბაიჯანის საგარეო საქმეთა მინისტრის მოადგილე ელნურ მამადოვი 8 სექტემბერს ბაქოში სომხეთში აშშ-ის დროებით რწმუნებულ დევიდ ალენსა და აზერბაიჯანში აშშ-ის დროებით რწმუნებულ ემი კარლონს შეხვდა.

„არმენპრესის“ ცნობით, ამის შესახებ ინფორმაციას აზერბაიჯანის საგარეო საქმეთა სამინისტრო ავრცელებს.

აღინიშნება, რომ შეხვედრისას სომხეთსა და აზერბაიჯანს შორის მშვიდობის პროცესი და TRIPP-ის პროექტის განხორციელება განიხილეს.

შეხვედრაზე მხარეებმა აზერბაიჯანსა და სომხეთს შორის ურთიერთობების მოწესრიგების მიმდინარე ძალისხმევა, მშვიდობის პროცესის წინწაწევა, ხანგრძლივი და მდგრადი მშვიდობის უზრუნველყოფა, აგრეთვე რეგიონში სტაბილურობისა და უსაფრთხოების განმტკიცება განიხილეს.

ასევე იმსჯელეს TRIPP-ის პროექტის განხორციელების მიმართულებით მიმდინარე სამუშაოებსა და TRIPP-ის განვითარების კომპანიის შექმნაზე, რომელიც მარშრუტის ინფრასტრუქტურის მშენებლობას გაუწევს მონიტორინგს.