აშშ-ის, იაპონიის, ინდოეთისა და ავსტრალიის საგარეო საქმეთა მინისტრებმა QUAD ფორმატში შეხვედრა გამართეს
2 წუთი კითხვის
აშშ-ის სახელმწიფო მდივანმა მარკო რუბიომ და ავსტრალიის, ინდოეთისა და იაპონიის საგარეო საქმეთა მინისტრებმა პენი ვონგმა, სუბრამანიან ჯაიშანკარმა და ტაკესი ივაიამ ვაშინგტონში გამართეს უსაფრთხოების საკითხებზე ოთხმხრივი დიალოგის (QUAD) ფორმატში შეხვედრა. როგორც „არმენპრესი“ იუწყება, ამის შესახებ ინფორმაცია აშშ-ის სახელმწიფო დეპარტამენტმა გაავრცელა.
ოთხი ქვეყნის საგარეო საქმეთა სამინისტროების წარმომადგენლებმა დაადასტურეს თავიანთი „ერთობლივი მზადყოფნა გააძლიერონ თავისუფალი და ღია ინდო-წყნარი ოკეანის რეგიონი, სადაც დაცულია და მხარდაჭერილია სამართლის უზენაესობა, დემოკრატიული ღირებულებები, სუვერენიტეტი და ტერიტორიული მთლიანობა“.
„ჩვენ ვალდებულნი ვართ გავაძლიეროთ რეგიონული საზღვაო, ეკონომიკური და ტექნოლოგიური უსაფრთხოება მზარდი საფრთხეების პირობებში, ასევე განვავითაროთ საიმედო და მდგრადი მომარაგების ჯაჭვები“, – აღნიშნეს მინისტრებმა.
აღნიშნულია, რომ მსგავსი შეხვედრები რეგულარულად გაიმართება, რათა მომზადდეს „ოთხეულის“ ლიდერების მომდევნო სამიტი, რომელიც ინდოეთში ჩატარდება.
გარდა ამისა, მარკო რუბიომ ინდივიდუალური შეხვედრები გამართა ავსტრალიის, ინდოეთისა და იაპონიის კოლეგებთან. შეხვედრებისას ხაზგასმით აღინიშნა ამ ქვეყნებისთან ორმხრივი ურთიერთობების სხვადასხვა სფეროში გაღრმავების აუცილებლობა.
შეხვედრები აშშ-ის ახლადარჩეული პრეზიდენტის დონალდ ტრამპის ინაუგურაციის მეორე დღეს, 21 იანვარს გაიმართა.