2 წუთი კითხვის
ერევანი, 11 სექტემბერი, არმენპრესი. „ერევნის დიალოგის“ საერთაშორისო ფორუმის ფარგლებში, სომხეთის რესპუბლიკის საგარეო საქმეთა მინისტრი არარატ მირზოიანი ინდოეთის საგარეო საქმეთა მინისტრის მოადგილეს, კირტი ვარდჰან სინგჰს შეხვდა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა სამინისტრო ავრცელებს
საუბრისას მხარეებმა კმაყოფილებით აღნიშნეს, რომ სომხეთსა და ინდოეთს შორის ორმხრივი თანამშრომლობა ვითარდება ურთიერთდაინტერესების რამდენიმე სფეროში, მზადყოფნა გამოთქვეს გააგრძელონ ერთობლივი ძალისხმევა ორმხრივი დღის წესრიგის შემდგომი გაფართოების მიმართულებით.
ასევე განხილული იქნა სხვადასხვა პლატფორმებსა და ფორმატებზე ურთიერთქმედების შესაძლებლობა.
არარატ მირზოიანმა და კირტი ვარდჰან სინგჰმა აზრები გაცვალეს რეგიონულ საკითხებზე. მინისტრმა მირზოიანმა ხაზი გაუსვა, რომ სომხეთის ხედვა სამხრეთ კავკასიაში სტაბილურობისა და მშვიდობის მიღწევის შესახებ მკაფიოა და დაფუძნებულია საერთაშორისო სამართლის ფუნდამენტური პრინციპების უპირობო პატივისცემაზე, ასევე რეგიონში ეკონომიკური განვითარების, ეფექტიანი ურთიერთდაკავშირების უზრუნველყოფის მტკიცე ვალდებულებაზე. ამ კონტექსტში, მინისტრმა მირზოიანმა ისაუბრა აზერბაიჯანთან სამშვიდობო ხელშეკრულების გაფორმების მიმართულებით ბოლო მოლაპარაკებებზე, ასევე რეგიონალური სატრანსპორტო დერეფნების განბლოკვისთვის გადადგმულ ნაბიჯებზე. ორივე მხარემ ხაზი გაუსვა ეკონომიკური და სატრანსპორტო კომუნიკაციების ეფექტიანი ამოქმედების მნიშვნელობას დაინტერესებულ მხარეებს შორის და ზოგადად რეგიონული სტაბილურობის უზრუნველსაყოფად.