სომხეთის რესპუბლიკაში იუვენტუსთან თანამშრომლობით საფეხბურთო აკადემია დაფუძნდება

ერევანი, 29 აგვისტო, არმენპრესი. სომხეთის მთავრობამ დაამტკიცა სახელმწიფო ქონების მართვის კომიტეტის მიერ მომზადებული პროექტი, რომლის მიხედვითაც სომხეთში საფეხბურთო აკადემია დაფუძნდება.

როგორც „არმენპრესს“ განუცხადეს სომხეთის სახელმწიფო ქონების მართვის კომიტეტიდან, „Next Gen Sports“ შპს-ს 25 წლით უსასყიდლოდ გადაეცემა ავან აჯარიანის ქუჩა 20/4 მისამართზე მდებარე შენობა-ნაგებობები, სადაც კომპანია მსოფლიო მასშტაბით ცნობილი „იუვენტუსის“ კლუბთან თანამშრომლობით საფეხბურთო აკადემიას დააფუძნებს.

კომპანიამ ვალდებულება აიღო, რომ 5 წელიწადში განახორციელებს 1 მილიარდი დრამის ინვესტიციას.

იგივე პროექტის ფარგლებში, „ჰრაზდან სპორტული კომპლექსის“ სააქციო საზოგადოების 100% წილების პრივატიზაციაა დაგეგმილი, რომელიც მოიცავს მთავარ სტადიონთან დამხმარე მინდორს.

„Next Gen Sports“ შპს-მ 5 წელიწადში 1 მილიარდ 200 მილიონი დრამის ინვესტიციის განხორციელება ივალდებულა.