„შირაკის“ აეროპორტში ბომბის განთავსების შესახებ შეტყობინება ყალბია

ერევანი, 2 ივლისი, არმენპრესი. გიუმრის „შირაკის“ აეროპორტში ბომბის განთავსების შესახებ ყალბი შეტყობინების გაკეთების ეჭვით დაკავებულია 36 წლის მამაკაცი.

„არმენპრესის“ ცნობით, ამის შესახებ განაცხადა შინაგან საქმეთა სამინისტროს პრესსპიკერმა ნარეკ სარგსიანმა თავის „ფეისბუქ“ გვერდზე გაკეთებული განცხადების მეშვეობით.

„სიგნალი, თითქოს „შირაკის“ აეროპორტში ბომბია მოთავსებული, ყალბია.

შინაგან საქმეთა სამინისტროს პოლიციის თანამშრომლებმა, ეროვნული უსაფრთხოების სამსახურის პარტნიორებთან თანამშრომლობით და გადაუდებელი ოპერატიულ-საგამოძიებო ღონისძიებების გატარებით, ყალბი შეტყობინების გაკეთების ეჭვით დააკავეს 36 წლის მამაკაცი“, - ნათქვამია განცხადებაში.

აეროპორტის ნორმალური მუშაობა აღდგენილია.