ღამით აზერბაიჯანული მხრიდან სროლები ისმის, თუმცა ახალი ინციდენტები არ დაფიქსირებულა։ სიუნიქის გუბერნატორი

ღამით აზერბაიჯანული მხრიდან სროლების ხმა ისმის, თუმცა იმ ინციდენტის შემდეგ, რომელიც ბოლო დროს თავდაცვის სამინისტროს მიერ იქნა დაფიქსირებული, ახალი შემთხვევა არ დაფიქსირებულა․

„არმენპრესი“-ს ინფორმაციით, ამის შესახებ ჟურნალისტებთან ბრიფინგისას განაცხადა სიუნიქის გუბერნატორმა რობერტ ღუკასიანმა․

„კონკრეტული მიზნის კომენტირება რთულია, რადგან სხვადასხვა მიზეზი შეიძლება იყოს. თუმცა ერთმნიშვნელოვანია, რომ სროლები ძირითადად ღამის საათებში ხდება. დღისით ასეთი შემთხვევები არ გვაქვს“, – განაცხადა ღუკასიანმა.

მისი თქმით, მიუხედავად სროლის ხმის ფონისა, ადამიანები უფრო მეტად იმედოვნებენ და სჯერათ, რომ მშვიდობა იქნება.

მან ასევე ხაზი გაუსვა, რომ გავრცელებული ინფორმაცია თითქოსდა ხალხს სურს სოფლების დატოვება, არ შეესაბამება სინამდვილეს.

ბოლო პერიოდში აზერბაიჯანის შეიარაღებული ძალები პერიოდულად ესვრიან სიუნიქის ოლქის დასახლებებს, რაც იწვევს საცხოვრებელი სახლებისა და სამოქალაქო ინფრასტრუქტურის დაზიანებას. ბოლო ასეთი ინციდენტი მოხდა 30 მაისს, როდესაც აზერბაიჯანელმა სამხედროებმა ცეცხლი გაუხსნეს სიუნიქის ოლქის ხოზნავარის მიმართულებას, რის შედეგადაც დაზიანდა ერთ-ერთი საცხოვრებელი სახლის სველი წერტილი და დაიღუპა ერთი წვრილფეხა პირუტყვი.