რუსეთი დღემდე სრულად არ მიაწვდის იარაღს: სომხეთის უშიშროების საბჭოს მდივანი

ერევანი, 26 ივნისი, არმენპრესი. სომხეთისა და რუსეთის ურთიერთობები უსაფრთხოების სფეროში დამოკიდებულია იმაზე, თუ როგორ უპასუხებს რუსეთი ყველა იმ პრობლემას, რომლებიც არსებობს ორმხრივ ურთიერთობებში.

„არმენპრესის“ ინფორმაციით, ჟურნალისტებთან საუბრისას ამის შესახებ განაცხადა სომხეთის უშიშროების საბჭოს მდივანმა არმენ გრიგორიანმა, როცა უპასუხა კითხვას, თუ როგორ განვითარდება სომხურ-რუსული ურთიერთობები უსაფრთხოების სფეროში.

„სომხეთის სამხედრო-ტექნიკური თანამშრომლობა რუსეთთან 96 პროცენტიდან 10 პროცენტზე ნაკლებზე ჩამოვიდა. ეს იყო რუსეთის გადაწყვეტილება და არჩევანი. რუსეთმა გადაწყვიტა არ მიაწოდოს იარაღი და ამ დრომდე სრულად არ მიაწვდის. როცა ისინი პერიოდულად ჩივიან, რომ სომხეთი იარაღს სხვა ქვეყნებიდან ყიდულობს, არ აგრძელებენ იმ კონტრაქტების შესრულებას, რომლებიც 2021 ან 2022 წლებში გაფორმდა“, - განაცხადა მან.

კითხვაზე, რა მიზეზით არ ხდება მიწოდება, უშიშროების საბჭოს მდივანმა აღნიშნა, რომ სომხეთმა ახსნა მიიღო, რომ მთავარი მიზეზი უკრაინასთან ომია.

„მაგრამ ასევე არის კონტრაქტები, რომლებიც 2021 წელს გაფორმდა. მე არ მსურს სახელების დასახელება, მაგრამ მინდა აღვნიშნო, რომ სომხეთის ერთ მაღალჩინოსანს ადრე უთხრეს, თუ რუსეთი მიაწვდის სომხეთს იარაღს, სომხეთის პოზიციები გამკაცრდება. ესეც ერთ-ერთი მიზეზია, რის გამოც არ მიაწვდიან,“ - დაასრულა უშიშროების საბჭოს მდივანმა.